Son proseslər Türkiyə ilə Rusiyanın Yaxın Şərqdəki geosiyasi maraqlarının toqquşmasından qaynaqlanır.

Bu sözləri Axar.az-a analitik Vüqar Zifəroğlu Yaxın Şərqdə baş verən prosesləri şərh edərkən deyib. O, Rusiya ilə Türkiyənin hərbi qarşıdurmaya gedəcəyini ehtimal etmədiyini söyləyib:

"Çünki bu, hər iki ölkə üçün fəlakətlə nəticələnə bilər. Lakin Suriyanın şimalında lokal toqquşmaları istisna etmək olmaz. Türkiyənin Lazkiya əyaləti ilə bağlı hərbi manevrləri buna sübutdur. Hər iki ölkənin Suriyada vazkeçilməz maraqları var.

Moskva və Ankara indi bu maraqlarını ciddi şəkildə qorumağa çalışır. Bundan sonra kəskin diplomatik bəyənatların şahidi olacağıq. Ancaq tərəflərin qırmızı xətti keçəcəyini güman etmirəm".

Qeyd edək ki, ötən gün Rusiyanın Su-34 bombarmançısı Türkiyənin hava məkanını pozub.