14 fevral - Valentin günü ilə bağlı Bakı otelləri növbəti kampaniya başladıb.

Axar.az-ın məlumatına görə, Sevgililər Günü üçün müştərilərə şam yeməyi və gecələməyin qiymətləri açıqlanıb.

"Kempinski Otel Badamdar" romantik şam yeməyini və bir gecəlik otel otağını 250 manata təklif edir. Bu qiymətə gecə şampanla təbrik, canlı musiqi, 5 növ şam yeməyi, masaj və əyləncə daxildir.

Gecələmək istəməyənlər üçün sadəcə şam yeməyi bir nəfərə 75 manatdan nəzərdə tutulub.

"Ramada" otelində isə Valentin günü 150 manatdır. Bu qiymətə şam yeməyi, romantik musiqilər, masaj, idman zalı hesablanıb.

"For Sizn Hotel Baku"nun "Zafferano" restoranında sevgililər üçün beş yeməkdən ibarət menyu, qızılgül hədiyyəsi hazırlanıb. Axşam piano və gitarada canlı musiqi gecəyə rəng qatacaq.

Cütlüklərə xüsusi bayram şirniyyatları hədiyyə ediləcək. Bundan başqa, sevgililər "Pizza Lanç"da şirniyyat, kokteylləri dada bilər. Bu menyuya səhər yeməyi də daxildir və 473 manatdır. Amma səhər yeməyi istəməyənlər 370 manat ödəməlidir.

Xatırladaq ki, bu otel ötən il Sevgililər Günü ilə bağlı 100 min manatlıq istirahət paketi hazırlamışdı.