Türkiyənin hakimiyyətyönümlü "Yeni Akit" qəzeti Azərbaycan ordusunun genişmiqyaslı hərbi təlimlərə başladığını yazıb.

Avropa.info xəbər verir ki, qəzet Azərbaycan Müdafiə Nazirliyinin bəyanatına istinadən ordumuzun döyüş hazırlığı vəziyyətinə gətirildiyini bildirib.

"Azərbaycan Silahlı Qüvvələri döyüşə hazırlıq təlimlərinə başlayıb. Müdafiə Nazirliyindən yayılan açıqlamada, hərbi birliklərin döyüşə hazır vəziyyətə gətirilməsi çərçivəsində təlimlərə başlandığı bildirilib. Təlimlərdə əsas məqsədin ordu birliklərində əmrlərin tətbiqi və komandirlərin idarə qabiliyyətinin inkişaf etdirilməsi olduğu qeyd edilib.

Xəbərdarlıq siqnalı ilə hərəkətə keçmə, xəbərləşmə, silah paylaması kimi hərbi mövzuların tətbiq edildiyi təlimlərdə , birliklərin toplanması, döyüş bölgələrinə kamuflyaj olaraq irəliləmə və zirehli vasitələrin hərəkət etdirilməsi kimi planların icra edildiyi bildirilib. Təlimlərə çox sayda əsgər və zirehli vasitə cəlb olunub" deyə qəzetin xəbərində qeyd edilir.

"Yeni Akit" qəzeti Azərbaycan torpaqlarının 20 faizinin erməni işğalçıları tərəfindən işğal olunduğunu da diqqətə çatdırıb.