Yuxarı

Klaardan ermənicanlı açıqlama: Azərbaycan mediasında…

Ana səhifə Gündəm
12 Punto 14 Punto 16 Punto 18 Punto

Avropa Birliyinin Cənubi Qafqaz və Gürcüstan böhranı üzrə xüsusi nümayəndəsi Toivo Klaara elə gəlir ki, Azərbaycan mediasında Ermənistana qarşı “təhdid” var.

Axar.az xəbər verir ki, bu barədə o, sosial şəbəkə hesabında yazıb.

O iddia edib ki, “Azərbaycan mətbuatında Ermənistana qarşı təhdidlər qəbuledilməzdir”:

"Sərhədin delimitasiyası ilə bağlı həqiqi danışıqlara ehtiyac var və bütün ərazi mübahisələri sülh yolu ilə və razılaşdırılmış proses vasitəsilə həll edilməlidir".

Qeyd edək ki, Azərbaycan mediasında hansısa politoloq və yaxud şərhçinin işğalda olan kəndlərimizin qaytarılmasında güc amilindən istifadənin mümkünlüyü barədə açıqlaması ola bilər. Ancaq mediada hansısa politoloqun açıqlamasından hansısa bir ölkənin və yaxud o ölkənin himayədarlarının – bu kontekstdə Ermənistan və Klaarın - rəncidə olub, qorxuya düşməsi, deyəsən, ilk faktdır.

Əksinə, erməni mediası, Ermənistan Baş naziri Nikol Paşinyanın da dəfələrlə dediyi kimi, Ermənistanın beynəlxalq səviyyədə tanınmış ərazisinə - 29,743 kv.km-ə – qətiyyən daxil olmayan, buna baxmayaraq, işğal altında saxlanılan Qazaxın 7 kəndinin geri qaytarılmaması üçün təxribatçı təbliğatını aktiv şəkildə davam etdirir. Erməni mediası yerli sakinləri də qızışdıraraq, onların “silahlı müqavimət göstərəcəyini” bildirir və Azərbaycanı hədələməklə məşğul olur. Hətta “Döyüş qardaşlığı” və ya “Milli Demokratik Qütb” adlı təşkilatların İrəvanda və Qazaxın işğal altındakı kəndlərində faktiki terror fəaliyyətlərini müdafiə edir.

Yeri gəlmişkən qeyd edək ki, Ermənistan DİN də bugünkü açıqlamasında “Ermənistanda heç bir terrorçu təşkilat olmamalıdır” sözləri ilə Milli Demokratik Qütb təşkilatının 3 üzvünün İrəvanda polis bölməsinə bomba ilə hücum etməsini dolayısı ilə terror cəhdi adlandırıb. Bu qanunsuz silahlı təşkilatlara misilsiz informasiya dəstəyini göstərən, bomba ilə hücum edənlərin həbsinə qarşı çıxan isə erməni mediasıdır.

Ona görə də Klaarın bu statusu ən azı, təəccüblü, yumşaq desək, həddən artıq ermənicanlıdır.

Tarix
2024.03.25 / 23:16
Müəllif
Axar.az
Şərhlər
Digər xəbərlər

Fransız Polineziyası nümayəndələri Bakıda...

Baqrat seçki istəmir – Keşiş yenə özünü ifşa etdi

Bakı və Ankara mərkəz yaradır, İrəvan imkan vermir – Papazyan

Kremlin Xankəndidə konsulluq istəyi: Hədəf nədir?

İşğaldan azad olunan Aşağı Əskipara kəndi - Video

Prezident elan etdi: Ağdam-Xankəndi dəmir yolu...

Ermənistan etiraf etməli, bizdən üzr istəməlidir - Prezident

Rusiya MN-in təklifini İrəvan saya salmadı

Prezident Xankəndiyə ilk köçün tarixini açıqladı

Bizə qarşı ərazi iddiaları irəli sürmək cəhdləri var - Əliyev

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla