Ukraynada anadan olan milliyətcə erməni Filip Ekozyan Türkiyə Prezidenti Rəcəb Tayyib Ərdoğana müraciət edib.

Axar.az xəbər verir ki, videomüraciət eurasiadiary.ru saytında yayımlanıb.

O, müraciətində ermənilərlə türk xalqları arasında gərginliyin sona çatmasını istəyib:

"Bu gün elə görünür ki, biz heç vaxt bir-birimizi bağışlamayacağıq. Lakin inanıram ki, inamsızlığı və nifrəti qırmaq üçün bir çıxış yolu var. Mənim babam Ərzurumda yaşayıb. O, həmişə mənə deyirdi ki, ermənilər və türklər neçə əsr mehriban yaşayıblar. Hər şey bir neçə dəhşətli ildən sonra dəyişdi. Onu 1915-ci ildə ölümdən türk qonşuları xilas edib. O, həmişə onlar üçün dua edib. Babam inanırdı ki, bizim xalqlarımızı üçüncü qüvvə düşmən etdi. Həmin qüvvə bir zərbə ilə bir neçə imperiyanı dağıtdı. Siz və biz bu qüvvəni, onun geosiyasi iştahını çox yaxşı bilirik. 1915-ci ildəki hadisəni erməni, bolqar, yunan və türk xalqından uzaq olan şəxslər təşkil edib. Cənab Ərdoğan, edin bunu, xalqlarımız arasındakı nifrəti birdəfəlik dayandırın. Mən - Ukrayna vətəndaşı, çoxmillətli Osmanlı imperiyasında yaşayan dinc ermənilərin nəslindən Filip Ekozyan Vartanoviç".