Dağlıq Qarabağ münaqişəsinin həlli prosesi hələlik ürəkaçan deyil, ancaq Rusiya çalışır ki, konfliktin həllində irəliləyiş olsun.

Axar.az xəbər verir ki, bu sözləri Rusiya prezidentinin mətbuat xidmətinin rəhbəri Dmitri Peskov deyib.

"Güc tətbiq etmək Qarabağ konfliktinin həllinə imkan vermir. Münaqişənin nizama salınmasında irəliləyiş yoxdur, bu vəziyyət ürəkaçan deyil. Ancaq Rusiya bütün səylərini ardıcıllıqla ortaya qoyur ki, heç olmasa münaqişənin həllində az da olsa, irəliləyiş olsun", - Peskov qeyd edib.

Peskov tərəflər üçün şərait yaratmağın lazım olduğunu vurğulayıb:

"Hələ fəxr ediləsi bir şey yoxdur. Yeganə çıxış yolu budur ki, "beşlik" həm İrəvan, həm də Bakı üçün əlverişli şərait yaratsın".