Rusiya Qarabağ ssenarisindən istifadə edib, Krımı anneksiya etdi və Donbasda müharibəyə başladı.

Axar.az xəbər verir ki, bu sözlər ukraynalı jurnalist Əli İsa Dəmirovun Ukrayna mətbuatında dərc olunan yazısında yer alıb. Onun sözlərinə görə, Azərbaycan, Gürcüstan və Moldova Ukraynadan öncə dondurulmuş konflikt acısını yaşayıblar:

"Oxşarlıqlar aydındır – "mübahisəli ərazilər", müqəddəratın təyin edilməsi üçün psevdo-referendumlar, 1 milyona yaxın məcburi köçkün, nəticəsiz Minsk görüşləri və Rusiyanın təşkilatçı olmasına rəğmən, özünü sülhməramlı kimi aparması. Rusiyaya xaos, anarxiya və zəif hakimiyyətlər lazımdır. Aprelin əvvəlində Qarabağda olan dördgünlük savaş Azərbaycanla Ermənistan arasında atəşkəsin dayanıqlı olmadığını göstərdi. Son savaş beynəlxalq institutlara göstərdi ki, bu problemin həllinə ciddi yanaşmaq lazımdır və gərginlik ocaqlarının söndürülməsi üçün mexanizmlər işlənilməlidir. Moskva aktiv şəkildə bu prosesə mane olmağa və tərəflərə intensiv diplomatik təzyiqlər etməyə başlayıb. Dondurulmuş konflikt hər zaman Moskvaya sərfəlidir".