Avropa Birliyi hələlik Ermənistanla Azərbaycan sərhədində müşahidə missiyasının davam edib-etməyəcəyini dəqiqləşdirməyib.

Axar.az xəbər verir ki, bunu Avropa Birliyinin səfiri Vasilis Maraqos deyib.

O, hələlik yekun qərarın olmadığını qeyd edib. Səfir rəsmi İrəvanın missiyanın müddətinin uzadılması ilə bağlı müraciət edib-etmədiyini isə açıqlamayıb:

"Missiyanın uzadılması ilə bağlı qərar hələ qəbul edilməyib, lakin biz bu məsələ üzərində işləyirik. Bu, Ermənistan hakimiyyəti ilə müzakirə mərhələsindədir".

Xatırladaq ki, 2023-cü ilin fevralında Ermənistana Azərbaycanla şərti sərhəddə müşahidə aparmaq üçün əvvəlcə 100 mülki müşahidəçi göndərilib, bir neçə aydan sonra isə onların sayı iki dəfə artırılıb. Missiyanın mandatı iki il müddətinə hesablanıb. Onun müddəti üç aydan sonra bitir.