"Dağlıq Qarabağ Respublikası"nın müstəqilliyinin tanınması ilə bağlı məsələnin gündəliyə salınması onun müstəqilliyinin tanınması demək deyil.

Axar.az xəbər verir ki, bu açıqlama ilə Ermənistanın Xarici İşlər nazirinin müavini Şavarş Köçəryan Qarabağın separatçı rejiminin tanınması ilə bağlı mayın 5-də Ermənistan parlamentində keçiriləcək müzakirəni şərh edərkən deyib.

"Əgər Azərbaycan hərbi əməliyyatlara başlasa, "DQR"nin müstəqilliyinin tanınması gündəmə gətirilə bilər. Hazırda "Dağlıq Qarabağ Respublikası"nın müstəqilliyinin tanınması gündəlikdə deyil", - Köçəryan deyib.

Qeyd edək ki, Ermənistan tərəfi mayın 5-də parlamentdə keçiriləcək iclasda qondarma rejimin tanınması ilə bağlı qanun layihəsinin gündəliyə salınacağını bildirib.