Vanadzorun keçmiş meri Andranik Harutünyan Dağlıq Qarabağda ağır yaralanıb.

Axar.az xəbər verir ki, bu barədə məlumatı Regional Sabitlik və Təhlükəsizlik Mərkəzi əldə edib.

Bildirilir ki, Andranik Harutünyan Dağlıq Qarabağın "Yeğnikner" adlı hərbi hissəsində, ön mövqelərin birində könüllü olaraq döyüşə qatılan zaman ağır yaralanıb.

O, öncə Ağdərə xəstəxanasına aparılsa da, sonra Xankəndi hərbi hospitalına gətirilib. Həkimlərin bildirdiyinə görə, partlayış nəticəsində Harutünyan bir ayağını itirib. Hazırda vəziyyəti ağırdır.

Qeyd edək ki, Andranikin oğlunun da yüksək rütbəli hərbçi olduğu və sərhədyanı hərbi hissələrin birində xidmət etdiyi bildirilir.