Rusiyanın Krasnodar vilayətinin keçmiş hakimi Yelena Xaxaleva Bakı hava limanında saxlanılıb.

Axar.az xəbər verir ki, bu barədə “İzvestiya” mənbəyə istinadla məlumat yayıb.

Bildirilib ki, Xaxaleva Bakıdan Dubaya uçmaq istəyərkən saxlanılıb. Artıq Rusiyadan ittihamlarla bağlı sənədlər paketi tələb olunub. Azərbaycan müvafiq cavab aldıqdan sonra təqsirləndirilən şəxs və onun ekstradisiya proseduru ilə bağlı qərar verəcək.

Qeyd edək ki, Rusiyada 17 may 2022-ci ildə Xaxalevaya qarşı dələduzluq və saxtakarlıq maddələri ilə cinayət işi açılıb. İstintaq Komitəsi hakimi 1 milyon rubl mənimsəməkdə şübhəli bilib. İyunun 10-da Xaxaleva qiyabi həbs edilib və beynəlxalq axtarışa verilib.