16:10

Serbiya Prezidenti Aleksandr Vuçiç Moskvadakı parada qatılmaq üçün Azərbaycan üzərindən keçməli olub.

Axar.az xəbər verir ki, bu barədə “Flaytradar” izləmə xidmətinin məlumatlarında qeyd olunub.

Bildirilib ki, Litva və Latviya üzərindən Serbiyadan Rusiyaya qədər olan məsafə 2200-2500 km-dirsə, Azərbaycan üzərindən bu məsafə iki dəfəyə qədər artıb.

Serbiyanın “Blic” nəşri isə yazıb ki, Vuçiçin təyyarəsi Bakıya enməli olub.

***

Serbiya mətbuatının məlumatına görə, Aleksandr Vuçiçin təyyarəsi artıq Moskvaya yola düşüb.

Qeyd edək ki, Litva və Latviya mayın 9-da Moskvada keçiriləcək Qələbə paradında iştirak etməyi planlaşdıran Serbiya Prezidenti Aleksandr Vuçiçin təyyarəsi üçün öz hava məkanını bağlamışdı.