Artıq xəbər verildiyi kimi, iyunun 29-da BMT-nin qərargahında bu il aprelin 25-27-də Bakıda baş tutan BMT-nin Sivilizasiyalar Alyansının 7-ci Qlobal Forumunun yekunlarına həsr olunan tədbir keçirilib.

Axar.az xəbər verir ki, BMT-dəki tədbir çərçivəsində Azərbaycanın mədəniyyət və turizm naziri Əbülfəs Qarayev Sivilizasiyalar Alyansının 7-ci Qlobal Forumunun Bakı Bəyannaməsinin hazırlanması prosesinə verdiyi töhfəyə görə Azərbaycanın BMT yanında Daimi Nümayəndəliyinin müşaviri Xanım İbrahimovanın xidmətlərini qeyd edib.

Dövlət başçısının Sərəncamı ilə Xanım İbrahimova "Dövlət qulluğunda fərqlənməyə görə" medalı ilə təltif edilib.