Naxçıvanda iki nəfərin ölümü ilə nəticələnən yol qəzası baş verib.

Axar.az Report-a istinadən xəbər verir ki, hadisə Babək rayonunun Qahab kəndi ərazisində qeydə alınıb.

Belə ki, 33 yaşlı Zamanov Möhlət Baxtıcamal oğlunun idarə etdiyi “Mersedes” markalı avtomobil “Ford” markalı nəqliyyat vasitəsilə toqquşub.

Nəticədə Babək rayon Qahab kənd sakini Möhlət Baxtıcamal oğlu Zamanov və Babək rayon Naxışnərgiz kənd sakini 27 yaşlı Mənsur Mərdan oğlu Zamanov hadisə yerində dünyasını dəyişib.

Avtomobilin digər sərnişini, Naxışnərgiz kənd sakini 30 yaşlı Şöhrət Aydın oğlu Zamanov isə ağır bədən xəsarətləri ilə Naxçıvanda bir xəstəxananın travmatologiya şöbəsinə yerləşdirilib. Onun vəziyyətinin orta-ağır olduğu deyilir.

Hadisə yerinə Daxili İşlər Nazirliyinin əməkdaşları və FHN-nin Xüsusi xilasetmə qrupu cəlb olunub. Faktla bağlı araşdırma aparılır.

Qeyd edək ki, yol qəzasında “Mersedes” markalı avtomobil hissələrə bölünüb.