Bakıda yanacaq doldurma məntəqəsində (YDM) huşunu itirən kişi soyğunçuluğa məruz qalıb.

Axar.az Teleqraf.az-a istinadən xəbər verir ki, hadisə Binəqədi rayonunda baş verib.

Epilepsiya xəstəsi olan 62 yaşlı Şahlar Şıxməmmədov idarə etdiyi “AzSamand” markalı avtomobillə Şamaxı yolundakı YDM məntəqəsində olarkən huşunu itirərək yerə yıxılıb. O, YDM-nin əməkdaşları və sürücülərin köməkliyi ilə Binəqədi Tibb Mərkəzinə yerləşdirilib. Xəstəxanada özünə gələn Şahlar Şıxməmmədov telefon və 930 manat pulunun oğurlandığını görüb.

Faktla bağlı Binəqədi Rayon Polis İdarəsinin 7-ci Polis Bölməsində araşdırma aparılır.