Şəmkirdə iki nəfər bıçaqlanıb.

ARB TV xəbər verir ki, hadisə rayonun Kür qəsəbəsində baş verib.

Kütləvi dava zamanı bıçaq xəsarəti alan qəsəbə sakinləri 34 yaşlı Zamiq Hüseynov və əvvəllər dəfələrlə məhkumluq həyatı yaşayan 32 yaşlı Şəmsi Bağırov yaxınlarının köməyi ilə Şəmkir rayon Mərkəzi Xəstəxanasının cərrahiyyə şöbəsinə çatdırılıb.

Əməliyyat edilən zərərçəkənlərin vəziyyətləri orta-ağırdır. Hər iki şəxs münaqişə zamanı ağır dərəcəli sərxoş olan Daşqın Vəliyev tərəfindən bıçaqlanıb. Vəliyev Şəmkir Rayon Polis Şöbəsi əməkdaşları tərəfindən saxlanılıb.

Ceyhun Rəsulov - həkim: “Xəstənin birində döş qəfəsinin sol arxa yan səthinin kəsilmiş-deşilmiş yarası idi. Xəsarət daxilə nüfuz eləməmişdi, yara tikilib xəstə şöbədədir. Digəri də eyni ilə bel nahiyyəsinin kəsilmiş-deşilimiş yarasıdı. Hər iki xəstə şöbədədir, nəzarətimiz aldındadır”.

Faktla bağlı araşdırma davam etdirilir.