Göyçay rayonunda xəsarətlə nəticələnən yol-nəqliyyat hadisələri baş verib.

Axar.az xəbər verir ki, bu gün saat 17:00 radələrində Göyçay şəhərinin Nizami küçəsində "Mersedes" və "Lada" markalı minik avtomobilləri toqquşub. Zərbənin təsirindən "Mersedes" yoldan çıxaraq hasara çırpılıb. Hadisə zamanı sərnişin, Qarayazı kənd sakini, 1961-ci il təvəllüdlü Kainat Əzim qızı Mustafayeva xəsarətlə Göyçay Rayon Mərkəzi Xəstəxanasına yerləşdirilib.

Eyni vaxtda həmin küçədə "Mersedes" və VAZ-2106 markalı minik avtomobilləri toqquşub. Xəsarət alan olmasa da, avtomobillərə ciddi ziyan dəyib.

Bir neçə dəqiqə sonra həmin yerdə VAZ-2109 markalı minik avtomobili yolu keçən piyada, Göyçay şəhər sakini, 1987-ci il təvəllüdlü Əlimərdanova Günay Rəcəb qızını vurub. Yaralı Göyçay Mərkəzi Xəstəxanasına yerləşdirilib.

Hər üç faktla bağlı Göyçay Rayon Polis Şöbəsi tərəfindən araşdırma aparılır.