Bu gün günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutmasından sonra xeyli sayda gənc azərbaycanlı döyüşlərə qatılmaq üçün Tovuzun sərhəd kəndinə gedib.

Axar.az xəbər verir ki, bu barədə sosial şəbəkələrdə məlumat və fotolar paylaşılıb.

Bildirilib ki, gənclər Tovuzun düşmənlə sərhəddə yerləşən Ağdam kəndinə gələrək, ordumuza qoşulmaq istədiklərini bildiriblər.

“Gənclər döyüşə girmək üçün komissarlığın qapısını sökür”, - deyə qeyd edilib.

Gənclərin döyüş ruhu sosial şəbəkələrdə böyük reaksiya doğurub.

Qeyd edək ki, düşmənin günorta saatlarında artilleriya atəşi ilə hücumunun qarşısı Ordumuz tərəfindən alınıb. Qeyri-rəsmi məlumata görə, ermənilər 30-dan artıq itki verərək, geri çəkiliblər.