ABŞ-a məxsus "USS Zumvalt" adlı esmines Panama kanalından keçərkən sınıb.

Axar.az xəbər verir ki, bu barədə məlumatı ABŞ-ın Hərbi-Dəniz Qüvvələrinin Komandanlığı yayıb. Hadisənin noyabrın 21-i axşam saatlarında baş verdiyi qeyd edilib.

İlkin informasiyaya görə, gəmini silahla təmin edən sistemin güc qurğusu sıradan çıxıb. Nasazlığın yaranmasına səbəb istilik sistemi göstərilib.

"USS Zumvalt" DD-21 gəmilərinin kiçildilmiş versiyasıdır. "Zumvalt" sinifinin birinci esminesi — DDG-1000 29 oktyabr 2013-cü ildə suya endirilmişdi. Esminesin tam su tutumu 14500 ton, gövdənin uzunluğu isə 183 metrdir. Gəmi 78 meqavatt "Rolls-Roys Marine Trent-30"un iki qaz turbin mühərriki ilə təchiz edilib. Esminesin maksimal surəti saatda 56 kilometrdir. Gəmi 148 nəfər tutuma malikdir.