İran və Misirin futbol federasiyaları FİFA-ya göndərdikləri rəsmi mesajda DÇ-2026-da iki ölkə komandalarının qarşılaşması zamanı cinsi azlıqların simvollarından istifadə etməyəcəklərini və komandalarının kapitanlarının “göy qurşağı” sarğısını qollarına bağlamayacağını bildiriblər.

Axar.az xəbər verir ki, bu haqda İran mediası məlumat yayıb.

İran Futbol Federasiyası isə yaydığı bəyanatda homoseksualizm təbliğ olunacağı təqdirdə milli komandanın oyundan çəkiləcəyini açıqlayıb.

İran mediası FİFA-nın Tehran və Qahirənin etirazını nəzərə alacağı ehtimalının yüksək olduğunu yazıb:

“İran və Misirin ortaq mövqeyini nəzərə alaraq, FİFA-nın gərginliyin qarşısını almaq və normal yarış şəraitini qorumaq üçün müdaxilə edib oyunların keçirilməsi qaydasında dəyişikliklər etməsi gözlənilir”.

Qeyd edək ki, DÇ 2026-nın püşkatma mərasimindən əvvəl Sietl şəhərinin Təşkilat Komitəsi 2026-cı il iyunun 26-na planlaşdırılan turnir oyununun LGBT-yə həsr olunacağını elan edib. Həmin gün isə püşkatma iə İran və Misir komandalarının qarşılaşacağı məlum olub.