20:09

Oktyabrın 1-də futbol üzrə Azərbaycan Premyer Liqasında VII turun daha bir oyunu keçirilib.

Axar.az xəbər verir ki, Sumqayıtın eyniadlı komandası AZAL-la üz-üzə gəlib. Matç qollu heç-heçə ilə başa çatıb. Mövsümün startından indiyədək qalibiyyət sevinci yaşamayan çempionatın autsayderi AZAL bu oyunda da bir xalla kifayətlənməli olub.

Belə ki, qarşılaşmada hesabı AZAL futbolçuları açıb. İlqar Ələkbərov 9-cu dəqiqədə başı ilə topu qapıya yönəldib. İlk hissə qonaqların 1:0 üstünlüyü ilə yekunlaşıb. İkinci hissədə hücumlarını artıran meydan sahibləri 83-cü dəqiqədə istəyinə çatıb. Mirabdulla Abbasov baxımlı zərbə ilə topu doqquzluğa göndərib-1:1. Qalan vaxtda komandaların heç biri fərqlənə bilməyib.

Beləliklə, 8 xalı olan "Sumqayıt"ın dördüncü pillədəki mövqeyi dəyışməyib. AZAL isə turnirin sonuncusu olmaqda davam edir.

22:29

Oktyabrın 1-də futbol üzrə Azərbaycan Premyer Liqasında VII turun daha bir oyunu keçirilib.

Axar.az xəbər verir ki, günün son matçında "Neftçi" "Kəpəz"i qəbul edib. Masazır qəsəbəsində yerləşən "Əlincə Arena"da keçirilən qarşılaşma paytaxt klubunun hücumları ilə başlayıb. Oyunun 14-cü dəqiqəsində Denilson Pereyra gəncəlilərin qapısından ilk topu keçirib. Katalin Tira isə oyunun sonuna əlavə olunmuş vaxtda hesab arasındakı fərqi artırıb - 2:0.

Beləliklə, "Neftçi" cari mövsümdə ikinci qələbəsini qazanaraq 6 xalla turnir cədvəlinin 7-ci pilləsinə yüksəlib.

Tura sabah keçiriləcək "Qəbələ" – "Qarabağ" oyunu ilə yekun vurulacaq.