Türkiyə millisinin baş məşqçisi Fatih Terimlə futbolçu Arda Turan arasında gərginlik səngimir.

Axar.az Xəbər 7-yə istinadən məlumat verir ki, onlar arasında fikir ayrılığının Avropa çempionatından əvvəl yarandığı deyilir.

Qeyd olunur ki, komandanın Avro-2016-ya hazırlaşdığı Antalya təlim-məşq toplanışı zamanı Ardayla Terim arasında taktika məsələsi ilə bağlı mübahisə yaşanıb. Daha sonra Arda formasını çıxarıb baş məşqçiyə ataraq meydançanı tərk edib.

Terimin köməkçilərindən olan Bülent Bayraktar Ardanı sakitləşdirmək üçün futbolçuya, "Narahat olma, sizi barışdıracağam. Sadəcə, bir az sakitləş", deyib. Arda isə "Bu saatdan sonra mənim üçün Fatih Terim bitdi. Bundan sonra onunla barışmağım mümkünsüzdür" deyə cavab verib.