Milli komandamızın və “Trabzonspor”un üzvü Ramil Şeydayev Türkiyə superliqasında debüt edib. Millimizin digər üzvü Dəniz Yılmaz isə dubl müəllifi olub.

Axar.az xəbər verir ki, R. Şeydayev "Kayserispor"la səfər görüşünün 80-cı dəqiqəsində meydana daxil olub.

Görüş “Trabzonspor”un 1:0 hesablı qələbəsi ilə başa çatıb.

Şeydayev bunadək "Trabzonspor"un heyətində 2 kubok matçında oynayıb və 1 qol vurub.

Millimizin digər üzvü Dəniz Yılmazın komandası “Bursaspor” öz meydanında “Rizespor”u qəbul edib. Görüş meydan sahiblərinin 2:1 hesablı qələbəsi ilə başa çatıb. Bursa təmsilçisinin hər iki qolunu Dəniz Yılmaz vurub. Millimizin hücumçusu 63 və 68-ci dəqiqələrdə fərqlənib.