Azərbaycan milli komandasının futbolçusu Ramil Şeydayev bu gün Slovakiya çempionatında "Jilina"nın heyətində debüt edib.

Report xəbər verir ki, Azərbaycan yığma komandasının 21 yaşlı hücumçusu XXI turun "Zlate Moravse" ilə ev oyununun 76-cı dəqiqəsində meydana daxil olub.

O, matç zamanı sol cinah hücumçusu mövqeyində çıxış edib.

Oyun meydan sahiblərinin böyükhesablı qələbəsi ilə nəticələnib. Ramil komandasının 2-ci qolunun müəllifi olan Samuel Mrazı əvəzləyib. "Jilina" bundan sonra daha 2 qol vuraraq böyükhesabla qalib gəlib.

Qeyd edək ki, "Jilina" 19 oyundan 47 xalla aşkar liderdir.

20:30. "Jilina" - "Zlate Moravse" - 4:1

Qollar: Miroslav Kacer, 50, Samuel Mraz, 54, Filip Hlovoski, 84, Lukas Janosik, 90+1 - Martin Boszorad, 42.