UEFA Çempionlar Liqasının qrup mərhələsinin II turunda keçiriləcək "Qarabağ" - "Roma" oyununu idarə edəcək hakimlər briqadası müəyyənləşib.

Axar.az xəbər verir ki, komandamızın oyununu Portuqaliyadan olan hakimlər idarə edəcək.

Komandamızın qrup mərhələsində keçirəcəyi ikinci görüşün əsas hakimi portuqaliyalı Artur Dias olacaq. Ona yan xətlərdə Rui Tavares və Paulo Soares köməklik edəcək. Görüşün 4-cü hakimi funksiyasını Bruan Rodriges yerinə yetirəcək. “Qarabağ”ın qrup mərhələsi tarixindəki ilk ev oyununun əlavə köməkçi hakimləri Tiaqo Martins və Joao Pinherio olacaq. Görüşün hakim inspektoru İsraildən olan Haim Yakov, UEFA nümayəndəsi isə Estoniyadan olan Oleq Harlamovdur.

Komandamızın iştirak etdiyi C qrupunun digər görüşü “Atletiko Madrid” – “Çelsi” oyununun baş hakimi Türkiyənin tanınmış referisi Cüneyt Çakır olacaq.