Ana səhifə İdman |
Türkiyənin Gənclərbirliyi Futbol Klubunun rəhbəri İlhan Cavcav Baş nazir Rəcəb Tayyib Ərdoğana transfer təklifi edib.
Axar.az xəbər verir ki, klub rəhbəri təriflər yağdırdığı prezidentliyə namizəd və Baş nazir R.T.Ərdoğanın siyasətdəki ustalığını futbolda da göstərdiyini deyib. O sözlərinə belə davam edib: "Vurduğu 3 qolla böyük futbolçu olduğunu sübut etdi. Baş nazirimiz siyasətdəki formasını futbolda da göstərdi. Futbolu çox yaxşı bilir. Qol vurmağı çox təsirli idi. Xüsusilə ayağını üstü ilə topa vurmağı və qapıçını keçməsini heç peşəkar futbolçuların çoxu edə bilmir. Hörmətli Baş nazirimiz siyasətdə Türkiyənin mərkəz hücumçusudur. "Gənclərbirliyi"olaraq belə futbolçuya ehtiyacımız var. Hörmətli Baş nazirimizə 10 milyon avro təklif edirəm. Bizim formamızla çox qol vurar və çempion olarıq".
Xatırladaq ki, Türkiyə prezidentliyinə namizəd və Baş nazir Rəcəb Tayyıb Ərdoğan İstanbul Başak stadionunun açılış mərasimində yaşıl meydanda peşəkar oyunçularla futbol oynayıb.
Tarix
2014.07.29 / 21:34
|
Müəllif
Nilufər Muğantürk
|