Avropa Liqasının üçüncü təsnifat mərhələsində Bakının "Nefçi" komandası ilə Gürcüstanın "Çixura" klubunun ikinci qarşılaşmasında növbəti xoşagəlməz anlar yaşanıb.

Axar.az-ın "Sportbox.az" saytına istinadən xəbərinə görə, gürcü fanatlar bu dəfə Tiflisdəki Mixail Mesxi adına mərkəzi stadionda qarşılaşmanın fasiləsində stadionda erməni dilində nəhəng plakat asıblar.

Qeyd edək ki, nələrin yazılması barədə məlumat verilmir. Sadəcə vurğulanır ki, stadionun mühafizə xidməti dərhal həmin bannerin yığışdırlmasına göstəriş verib və bu irada əməl olunub.

Xatırladaq ki, bu, gürcü azarkeşləri ilə bağlı ilk belə hal deyil. Onlar bir neçə gün bundan öncə Bakıda, Tofiq Bəhramov adına stadionda separatçılığı təbliğ edən plakat asmışdılar.