"Dnepr"in hücumçusu Nikola Kaliniç "Qarabağ" məğlubiyyətindən danışıb.

Axar.az xəbər verir ki, hücumçu "Qarabağ"ın qrupdakı digər rəqiblərindən zəif olmadığını deyib. Onun sözlərinə görə, bu komanda çox düzgün taktika ilə oynayır və heyətində olan bir çox futbolçu milli komandada çıxış edir.

Kaliniç "Qarabağ" - "Sent Etyen" görüşünü izlədiyini açıqlayıb:

"Həmin görüşdə rəqibə nisbətən daha çox qol imkanları yaratdılar. Bilirdik ki, "Qarabağ" adi komanda deyil. Bizimlə oyuna gəldikdə isə hesab açılana qədər bərabər səviyyəli mübarizə gedirdi. "Qarabağ" qol vurduqdan sonra müdafiəyə çəkildi və boş zonaları bağladı. Belə şəkildə müdafiə olunan komandaya qol vurmaq çox çətindir".

Xorvat futbolçu ev oyunlarının Dnepropetrovskidə yox, Kiyevdə keçirilməsinə qarşı çıxıb: "Çox təəssüf ki, ev oyunlarımızı doğma meydanda keçirə bilmirik. "Qarabağ"la oyunda stadiona təxminən 2 min azarkeş gəlmişdi. Onların yarısı isə "Qarabağ" tərəfdarı idi. Dnepropetrovskidə daha güclü azarkeş dəstəyi görürdük".