Portuqaliya millisi və "Yuventus"un forvardı Kristiano Ronaldo kiçik azarkeşlə şəkil çəkdirmək üçün yığma komandanın avtobusunu dayandırıb.

Report xəbər verir ki, hadisə Portuqaliya yığmasının Millətlər Liqasının finalında Hollandiya millisi ilə qarşılaşmaq üçün keçirdiyi növbəti məşqdən qayıdan zaman baş verib.

Bildirilir ki, leykemiya xəstəsi olan 11 yaşlı uşaq əlində "Kristiano Ronaldo, qucaqla məni" yazılarının olduğu plakatla yol kənarında dayanıb. Həmin uşağı görən Ronaldo avtobusu dayandırıb və onun xahişini yerinə yetirib.