"Bəli, Robert Prosineçki Azərbaycan millisində daha çox qazanır, amma burada işləmək mənə çox xoşdur".

Bunu Xorvatiya yığmasının baş məşqçisi Niko Kovaç "Veçernji List"ə açıqlamasında deyib. 43 yaşlı mütəxəssis hazırkı işindən razılıq ifadə edib.

Millimizin Avro-2016 qrup mərhələsində rəqibi olan Xorvatiya ilk görüşdə qapımızdan cavabsız 6 qol keçirib.

Foqtsun istefaya getməsinə səbəb olan bu matçdan sonra seçməmizə xorvat Prosineçki gətirildi. Bu isə iki xorvat məşqçinin Bakıdakı cavab oyununda üz-üzə gələcəyi deməkdir. Əvvəllər Xorvatiya yığmasının kapitanı olmuş Niko Kovaç 14 aydır baş məşqçi kimi fəaliyyətdədir. Prosineçki də onun kimi Xorvatiya millisində oynayıb və məşqilik karyerasına yeni başlayıb.