Azərbaycan millisinin futbolçusu Ramil Şeydayevin Avro-2020-nin seçmə mərhələsində Uelslə qarşılaşmada rəqib komandanın kapitanı Qaret Beyllə mübarizəsi Rusiya mətbuatının diqqətini çəkib.

Qol.az-ın məlumatıan görə oyunun 63-cü dəqiqəsində Moskva “Dinamo”sunda çıxış edən Ramil Şeydayevin Madrid "Real"ının ulduzu Qaret Beylə sürətdə uduzmadığı qeyd edilib:

“Uels - Azərbaycan matçında dünyanın ən sürətli oyunçulardan biri Qaret Beyllə “Dinamo”nun hücumçusu Ramil Şeydayevin sürət yarışması oldu. Ramil sol cinahda topla irəliləyərkən sürətdə Qaret Beyli qabaqladı. Yerli azarkeşlər epizod başa çatdıqdan sonra Şeydayevi alqışladı”.