Bu yaxınlarda Bakı şəhərində keçirilən poverliftinq üzrə yarışmada mütləq çempion adını qazanan Fərid Abbasov həm də gözəl bəstəkardır.

Tanınmış idmançının Axar.az-a verdiyi məlumata əsasən, onun sevgisi yalnız idmana deyil. 22 yaşlı idmançının artıq bir neçə bəstəsi var.

Fərid Abbasovun idman sahəsində uğurları da boldur: 2012-ci il 26 mayda Gəncədə keçirilən açıq çempionatda 75 kq-a qədər çəki dərəcəsində birinci yer və yarışın mütləq qalibi olub.

2013-cu il 4 may açıq çempionatında 75 kq ağırlıq dərəcəsində nəticə göstərərək mütləq çempion adını qazanıb. 2014-cu il 16 noyabr 75-kq dan ağır çəkinin qalibi və mütləq çempion. 2012-ci il 22 sentyabrda poverliftinq üzrə Respublika 3-cusu 3 hərəkətin cəmində 460 kq nəticə ilə çıxış edib.