Yanvarın 15-də futbol üzrə Türkiyə çempionatının XIX turunun ilk qarşılaşmasında “Fateh Karagümrük” səfərdə Ankara təmsilçisi “Gənclərbirliyi”nin qonağı olub.

Axar.az xəbər verir ki, qarşılıqlı hücumlar şəraitində keçən görüşdə hesabı 22-ci dəqiqədə qonaq komandanın yaımmüdafiəçisi Lukas Biqlia açıb. Oyunun 36-cı dəqiqəsində “Fateh Karagümrük”ün digər yarımmüdafiəçisi Alassane Ndao komandasının ikinci qolunu vurub. Matçın 74-cü dəqiqəsində meydan sahiblərinin yarımmüdafiəçisi Robert Piris vurulan qollardan birinin əvəzini çıxıb. Lakin qonaqların hücumçusu Artur Sobieç qarşılaşmanın 88-ci dəqiqəsində “Gənclərbirliyi”ni yenidən meydanın mərkəzinə dəvət edib. Beləliklə, oyun 3:1 hesabı ilə “Fateh Karagümrük”ün xeyrinə bitib.

Turun digər matçları yanvarın 16, 17 və 18-də keçiriləcək.