AZAL klubu da maliyyə böhranı yaşayır.

Axar.az xəbər verir ki, komandanın adını dəyişəcəyi gözlənilir. Buna səbəb futbolçulara olan borcdur və komanda əmək haqlarını ödəmək iqtidarında deyil. Klubun vitse-prezidenti Fikrət Hüseynov da mətbuata bildirib ki, AZAL strategiyasını dəyişəcək, komanda legionerlərdən tamamilə imtina edəcək və gənc futbolçulara güvənəcək.

Bu halda isə legionerlərin FİFA-ya şikayət edəcəyi istisna olunmur. Bu amili nəzərə alan klub rəhbərliyi AZAL-ın adını dəyişdirməyi planlaşdırır.

Komanda.az yazıb ki, məsələylə bağlı qurumun baş katibi Elxan Məmmədovla görüş olub. Görüşdə AZAL-ın adı dəyişdirilərək "Şüvəlan" olacağı müzakirə edilib. Bununla da komanda legionerlərə olan borcdan qurtula bilər.