İnternet üzərindən ən böyük hərrac keçirən "eBay"da Bakı-2015 Birinci Avropa Oyunları idmançılarının iştirak medalları satışa çıxarılıb.

Axar.az xəbər verir ki, medallar satışa Polşanın Ştum şəhərindən çıxarılıb.

Satışa çıxarılanlar arasında badminton, boks, atletika, su polosu, üzgüçülük, gimnastika, qılıncoynatma, oxatma, cudo, güləş, velosiped, futbol, basketbol, karate, sambo, atıcılıq, stolüstü tennis, taekvondo, triatlon, voleybol yarışları üzrə medallar yer alıb. Diametri 60 mm, ağırlığı 146 qram olan medalların orijinal qutusunda, yeni, yaxşı vəziyyətdə olduğu, işlənmədiyi qeyd edilib.

Medalların yalnız Bakı-2015 Birinci Avropa Oyunları üçün nəzərdə tutulan nadir materialdan hazırlandığı, "eBay"da ilk dəfə satışa çıxarıldığı vurğulanıb.

Xatırladaq ki, "eBay" dünyanın bir çox ölkəsində keçirilən Olimpiya oyunlarının iştirakçı medallarını da satır.