"Türkiyə liqasının ikinci turunda İstanbul nəhəngi "Beşiktaş"la "Trabzonspor" klubu arasında keçirilən oyunda unudulmaz anlar yaşanıb.

Axar.az xəbər verir ki, "Beşiktaş" klubunun futbolçuları son dövrlərdə terror hücumlarında vəfat edən şəhidlərin xatirəsinə hörmət əlaməti olaraq meydana xüsusi köynəklərdə çıxıblar. Yanaşı duran futbolçular hər kəsə "Şəhidlər ölməz, Vətən bölünməz" mesajını veriblər.

"Qara Qartallar"ın bu addımı "Fənərbaxça" və "Qalatasaray" azarkeşlərinin də böyük marağına səbəb olub. Bundan başqa, həmişə verdikləri siyasi mesajlarla dünyanın diqqət mərkəzinə düşən "Beşiktaş" azarkeşləri stadionda "Şəhidlər ölməz, Vətən bölünməz" yazılı bayraq açıblar.

Oyundan əvvəl yaşanan bu anlar Türkiyədə böyük maraq doğurub.