2013-cü ilin sonunda xizək sürərkən qəza keçirərək komaya düşən və ardından İsveçdəki evində müalicə alan Formula 1 yarışlarının alman pilotu Mixael Şumaxer barəsində kədərli xəbər yayılıb.

Axar.az xəbər verir ki, müalicələrdən sonra reabilitasiya görən Mixael Şumaxerin yaxşılaşacağı gözlənilsə də, keçən müddət ərzində səhhətində heç bir irəliləyiş olmayıb. Səhhətində müsbət dəyişiklik müşahidə edilməyən Şumaxerin çəkisi 45 kq-a düşüb.

2013-cü il dekabrın 29-dan bu yana ölüm-qalım mübarizəsi aparan əfsanə idmançı haqqında ona yaxın qaynaqdan əldə edilən məlumatlar ingilis mətbuatında bu şəkildə yayılıb:

"M.Şumaxerin sağalması son dərəcə yavaşdır. Yerimir, danışmır. Ətrafında baş verənlərin fərqinə varmır. Davamlı olaraq çəki itirir".

Xatırladaq ki, bir müddət əvvəl Şumaxerin Fransada Qrinobl xəstəxanasında altı aylıq müalicəsi ilə məşğul olan Dr. Fransua Payen bəzi irəliləyişlər görmək üçün azı 3 il lazım olduğunu demişdi.