Ana səhifə İdman |
Avro-2016 uğrunda 9-cu turun ilk oyunları başa çatıb.
Axar.az-ın məlumatına görə, Almaniya səfərdə İrlandiyaya uduzub - 0:1.
Bu qələbə sayəsində xalını 18-ə çatdıran İrlandiya Avropa çempionatının final mərhələsinə birbaşa iştirak şansını saxlayır. Şotlandiya evdə Polşa ilə 2:2 bərabərə qalıb. Gürcüstan isə evdə Cəbəllütariqi 4:0 hesabı ilə məğlub edib.
Şimali İrlandiya öz meydanında Yunanıstana 3:1 hesabı ilə qalib gələrək tarixində ilk dəfə Avropa çempionatının final mərhələsində oynamaq hüququ əldə edib.
Rumıniya Finlandiyanın müqavimətini qıra bilməyib - 1:1. Macarıstan isə öz meydanında Farer adalarını 2:1 hesabı ilə məğlub edib.
Danimarka Portuqaliyanın, Serbiya Albaniyanın qonağı olub. Rəqibinə 1:0 hesabı ilə qalib gələn Portuqaliya Avropa çempionatının final mərhələsinə vəsiqəni təmin edib.
"Qarabağ"ın futbolçusu Ansi Aqollinin şərəfini qoruduğu Albaniya yığması isə evdə Serbiyaya 0:2 hesabı ilə uduzmaqla final mərhələsinə getmək ümidini son tura saxlayıb.
Tarix
2015.10.09 / 12:02
|
Müəllif
Emil Salamoğlu
|