Bu gecə "Avro-2016"-nın seçmə mərhələsində 9-cu turun ən maraqlı oyunları keçiriləcək.

Axar.az-ın məlumatına görə, milli komandamızın yer aldığı H qrupundan əlavə A və B qrupunda da oyunlar baş tutacaq.

A qrupunda Türkiyə millisi səfərdə Çexiyanın qonağı olacaq. Qrup lideri İslandiya öz meydanında Latviyanı qəbul edəcək. Hollandiya millisi isə Qazaxıstanın qonağı olacaq.

Türkiyə üçün bu görüş mühüm əhəmiyət kəsb edir. Bu matçda xal itkisi komandanın Fransaya gedən yolunu çətinləşdirə bilər.

B qrupunun lideri Uels səfərdə Bosniya və Hersoqovina millisi ilə qarşılaşacaq. İsrail Kipri, Andorra Belçikanı qəbul edəcək.

Yəhudilər mütləq qalib gəlməlidir ki, ən yaxın təqibçiləri olan bosniyalılar və az xal fərqlə onu qabaqlayan belçikalılardan geri qalmasınlar.