Ana səhifə İdman |
2016-cı ildə Fransada keçiriləcək Avropa çempionatında iştirak edəcək 16 komandanın adı müəyyənləşib.
Axar.az xəbər verir ki, daha 4 komanda - Almaniya, Polşa, Rumıniya və Albaniyanın da Avro-2016-ya gedəcəyi dəqiqləşib.
Digər 8 komandanın kimliyinə seçmə mərhələnin son turundan sonra aydınlıq gələcək.
Bu 8 komandadan 3-ü seçmə mərhələni 1-2 pillələrdə başa vuracaq yığmalar olacaq. Son 4 iştirakçıları isə noyabrda keçiriləcək pley-off oyunlarından sonra müəyyənləşəcək.
Avropa çempionatının final mərhələsinə vəsiqəni təmin edən 12 komanda bunlardır: Fransa (ev sahibi), İngiltərə, Çexiya, İslandiya, Avstriya, Portuqaliya, Şimali İrlandiya, İspaniya, İsveçrə, İtaliya, Uels, Belçika, Almaniya, Polşa, Rumıniya və Albaniya yığmaları.
Maraqlı məqam odur ki, Böyük Britaniyada üç ölkə finala vəsiqə qazanıb. İrlandiya və Şotlandiya isə şanslarını saxlayır. Qeyd edək ki, qardaş ölkə Türkiyə də şansını son tura saxlayıb. Türklər qalib gələcəyi halda pley-off mərhələsində oynamaq hüququ qazanacaq.
Tarix
2015.10.12 / 13:25
|
Müəllif
Emil Salamoğlu
|