Bu gün baş tutan "Eibar" – "Barselona" oyununun şərhçisi, "Bein Sport" kanalının tanınmış ingilisdilli icmalçısı Ray Hudson canlı yayımda Azərbaycana salam göndərib.

Bu haqda Axar.az-a FCB AZE səhifəsinin admini məlumat verib. Hudson öz aparıcı həmkarına xitabən deyib:

"İndi Azərbaycanda olan FCB AZE adlı fan qrup haqda danışmaq istərdim. Təsəvvür elə, Fill, Azərbaycanda 35 minə yaxın azarkeş qrupumuz var. Gün aydın, Azərbaycan!"

Qeyd edək ki, Azərbaycanda "Barselona" futbol komandasının rəsmi fan klubu, Feysbuk səhifəsi və fcbaze.com adlı saytı fəaliyyət göstərir. Səhifənin 35 min izləyicisi var.