Avropa Superliqası rəsmi olaraq yeni adla fəaliyyət göstərəcək.

Axar.az xarici mediaya istinadən xəbər verir ki, turnir Birləşmiş Liqa adlanacaq.

Yarış 4 - "Ulduz", "Qızıl", "Mavi" və "Ümumi" liqadan ibarət olacaq. Birləşmiş Liqa təşkilatçıları artıq UEFA-dan turnirin keçirilməsi üçün rəsmi icazə istəyiblər.

Qeyd edək ki, əvvəlcə Superliqa layihəsinə Avropanın 12 nəhəng komandası qoşulmuşdu. Lakin FİFA və UEFA-nın sanksiya təhdidindən sonra klublar geri addım atıblar. Hazırda UEFA və FIFA-ya tabe olmayan Avropa Superliqası layihəsindən yalnız İspaniyanın "Real" və "Barselona" klubları ayrılmayıb.