Almaniya futbol millisinin baş məşqçisi Yoaxim Löv Ukrayna ilə oyundan sonra gündəm mövzusu olan hərəkətləri ilə bağlı açıqlama verib.

Axar.az xəbər verir ki, o bu halların həddindən artıq həyəcandan qaynaqlandığını bildirib. Mətbuat konfransında çıxış edən Löv hər kəsdən üzr istəyib:

"Bəzən həddindən artıq həyəcan keçirdiyiniz vaxt nə etdiyinizi bilmirsiniz. Görüntüləri mən də izlədim. Çalışacağam ki, bu hal bir də təkrarlanmasın. Hər kəsdən üzr istəyirəm".

Qeyd edək ki, Almaniyanın 2-0 hesablı qələbəsi ilə başa çatan matçda Yoaxim Lövün əlini şalvarının içinə salması dünya mediasında müzakirə mövzusuna çevrilmişdi.