Yaxın Şərqdəki münaqişə fonunda neft hasilatı planlarının yerinə yetirilməməsi səbəbindən qlobal iqtisadiyyat 50 milyard dollardan çox itki ilə üzləşib.

Axar.az xəbər verir ki, bu barədə “Röyters” “Wood Mackenzie” və “Kpler” analitiklərinə istinadən məlumat yayıb.

“Kpler” analitiklərinə görə, fevral ayının sonundan bəri qlobal bazardan 500 milyon barreldən çox xam neft və kondensat çıxarılıb:

“Bu, müasir tarixdə qlobal enerji təchizatında ən böyük fasilə idi. Böhranın təsirləri aylarla, hətta illərlə hiss oluna bilər”.

“Wood Mackenzie” analitikləri isə bu cür həcmlərin itirilməsini qlobal aviasiya tələbatının 10 həftəsi və ya qlobal miqyasda avtomobil trafikinin 11 günlük tamamilə dayandırılması ilə müqayisə ediblər.