SOCAR tərəfindən 2017-ci ilin sentyabr ayında dövlət büdcəsinə 117 milyon 330 min manat vəsait ödənilib.

Axar.az xəbər verir ki, ümumiyyətlə, bu ilin yanvar-sentyabr aylarında büdcəyə 1 milyard 165 milyon 678 min manat vəsait köçürülüb. Bu göstərici 2016-cı ilin müvafiq dövrünə nisbətən 140 milyon 833 min manat və ya 13,7 faiz çoxdur.

Bundan əlavə, 2017-ci ilin sentyabr ayında Dövlət Sosial Müdafiə Fonduna (DSMF) SOCAR tərəfindən 12 milyon 600 min manat vəsait köçürülüb. Bu ilin yanvar-sentyabr aylarında isə SOCAR tərəfindən DSMF-yə ödəniş 112 milyon 426 min manat təşkil edib ki, bu da 2016-cı ilin analoji dövrü ilə müqayisədə 5 milyon 263 min manat və ya 4,9 faiz çoxdur.