Ana səhifə İqtisadiyyat |
"Türkmənistan öz qazını Avropa bazarına çıxarmaq istəyir".
Bu sözləri Axar.az-a açıqlamasında politoloq Qabil Hüseynli söyləyib.
O, Aşqabadın Bakı ilə münasibətləri istiləşdirmək məcburiyyətində olduğunu deyib:
"Bu gün Avropa bazarı hamı üçün cəlbedicidir. Həmin bazara qaz çıxarmağın yolları asandır və qazın qiyməti orada çox yüksəkdir. Bu baxımdan Türkmənistan yaxşı başa düşür ki, Azərbaycanın köməyi olmadan öz qazını Avropa bazarına çıxara bilməz. Türkmənistan hazırda Azərbaycanla münasibətləri daha da istiləşdirmək məcburiyyətindədir. Rəsmi Aşqabad bu dəqiqə neytraldır. Onsuz da bu dəqiqə aralarında ciddi soyuqluq var. Çünki bir neçə il vəd verib türkmən qazını almayandan sonra Moskva ilə Aşqabada arasında vəziyyət gərgin olaraq qalır. Türkmənistan xüsusilə enerji resursları sahəsində üzünü birdəfəlik Rusiyadan çevirib. Bu baxımdan Aşqabadın Moskvadan qorxusu yoxdur".
Tarix
2014.11.26 / 09:15
|
Müəllif
İlkin Həsənov
|