Buxarestdə Rumıniyanın Baş naziri Viorika Dançila, Bolqarıstanın Baş naziri Boyko Borisov və Serbiyanın Prezidenti Aleksandr Vuçiçlə görüşü zamanı Yunanıstan Baş naziri Aleksis Çipras Qara dəniz ilə Aralıq dənizini Azərbaycandan gələn təbii qaz vasitəsilə inşa olunacaq qaz kəməri sayəsində birləşdirmək niyyətinin olmasını bildirib.

Axar.az xəbər verir ki, A.Çiprasın sözlərinə görə, artıq Rumıniya və Yunanıstanda bununla bağlı birgə şirkət yaradılıb və bu layihənin reallaşması mümkündür.

Baş nazir Buxarestdəki görüşdən məmnunluğunu bildirərək, gələcəkdə Balkanların enerji mərkəzinə çevriləcəyini gördüyünü diqqətə çatdırıb.