"Bizə bu gün öz qazımızın vahid satıcısı olmaq gərək deyil".

Axar.az xəbər verir ki, bu açıqlama ilə "Lukoyl" prezidenti Vahid Ələkbərov çıxış edib.

O, "Lukoyl"un indiyə qədər heç bir şirkətlə konflikt situasiyası yaşamadığını bildirib:

"Bizim "Qazprom"la artıq uzun müddətdir davam edən layihəmiz var. Biz bütün qazımızı "Qazprom"a veririk. İndi biz yeni beşillik kontrakt hazırlayırıq və praktiki olaraq həmin müqavilə hazırdır. Biz ümid edirik ki, bunu yanvarda imzalayacağıq. Halbuki köhnə müqavilənin vaxtı 2015-ci ilin sonunda bitir. Artıq Aleksey Millerlə bu müqaviləni 2015-ci ilin birinci rübündə imzalamaqla bağlı razılığa gəlmişik. Amma ortada anlaşılmazlıq yaradan o qədər də böyük olmayan məsələlər var. Bu, daha çox Xəzər qazının qiymət siyasəti ilə əlaqədardır. Biz ümid edirik ki, birinci rübdə, hətta yanvarda razılığa gəlməyi bacaracağıq. İndiyə qədər heç kimlə konflikt situasiyası yaratmamışıq. Hər zaman imzalamışıq və bu bizə sərf edib. Bizə bu gün öz qazımızın vahid satıcısı olmaq gərək deyil. Bizə qaz layihələrinin iqtisadiyyatı və investisiyaların effektivliyi gərəkdir. "Qazprom" bizə bu iqtisadiyyat imkanlarını verir, ona görə "Lukoyl" əlavə heç kimi axtarmayacaq".