Ana səhifə İqtisadiyyat |
2019-cu ilin doqquz ayında dövlət büdcəsinin xərcləri 16690,6 mln. manat icra olunub. Bu da 2018-ci ilin eyni dövrü ilə müqayisədə 6,5 faiz və ya 1024,6 mln. manat çoxdur.
Bu barədə Axar.az-a Maliyyə Nazirliyindən məlumat verilib.
“İqtisadi təsnifata uyğun olaraq, cari ilin ilk doqquz ayında dövlət büdcəsi xərclərinin 35,3 faizi və ya 5888,7 mln. manatı sosialyönümlü xərclərin (əməyin ödənişi fondu, təqaüd və sosial müavinətlər, dərman və ərzaq xərcləri) maliyyələşdirilməsinə yönəldilib ki, bu da ötən ilin eyni dövrü ilə müqayisədə 8,8 faiz və ya 478,6 mln. manat çoxdur.
2019-cu ilin doqquz ayında dövlət büdcəsi xərclərinin 8948,5 mln. manatı və ya 53,6 faizi cari xərclərə, 6320,6 mln. manatı və ya 37,9 faizi əsaslı xərclərə, 1421,5 mln. manatı və ya 8,5 faizi dövlət borcuna və öhdəliklərinə xidmətlə bağlı xərclərə yönəldilib.
Cari ilin iyul-sentyabr ayları üzrə dövlət büdcəsinin xərcləri 5739,6 mln. manat icra olunub”, - məlumatda bildirilib.
Nazirlik həmçinin cari ilin doqquz ayında icmal büdcənin gəlirlərinin ötən illə müqayisədə 7,1 faiz çox olduğunu açıqlayıb:
“Cari ilin doqquz ayında icmal büdcənin gəlirləri 25566,7 mln. manat icra olunmuşdur ki, bu da ötən ilin eyni dövrü ilə müqayisədə 1694,3 mln. manat və ya 7,1 faiz çoxdur. İcmal büdcənin xərcləri 17963,6 mln. manat icra olunub ki, bu da ötən ilin eyni dövrü ilə müqayisədə 1,7 mln. manat çoxdur. İcmal büdcədə 7603,1 mln. manat büdcə artıqlığı (profisit) yaranıb”.
Tarix
2019.10.23 / 17:26
|
Müəllif
Büllurə Yunus
|