10 il sonra dünyanın önəmli valyutaları qarşısında güclənən dollar aprelin gəlişi ilə yenidən enişə keçib.

Axar.az "Bloomberg" agentliyinə istinadən xəbər verir ki, dolların dəyəri 0,1 faiz geriləyərək 1,197 bala enib.

1 avro 0,23 faiz bahalaşaraq 1,0788 dollar olub. Dollar Britaniya funtu qarşısında da ucuzlaşıb. 1 funt sterlinq 0,09 faiz bahalaşaraq 1,4837 dollar təşkil edib.

Qeyd edək ki, dolların ucuzlaşmasının səbəblərindən biri kimi ABŞ-da məşğulluq səviyyəsinin aşağı düşməsi göstərilir. Sabah ABŞ-da məşğulluqla bağlı növbəti məlumatlar açıqlanacaq. Analitiklər məşğulluq səviyyəsi rəqəmlərinin aşağı olması halında, dollardakı enişin davam edəcəyini bildiriblər.